محبت خود فریبی ہے

یہ جو تم ہر وقت ،

محبت کا راگ الاپتے ہو میر ے سامنے۔۔۔۔

جان لو۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محبت اذیت ہو تی ہے۔۔۔۔

یہ تم نہیں جا نتے ، یہ میں جانتی ہوں۔۔۔۔

میں نے محبتوں کے ، عذاب دیکھے۔۔۔۔

سراب دیکھے ، خواب دیکھے ،

نارسائی دیکھی ، بے اعتنائی دیکھی۔۔۔۔

پل پل پگھلتا دل ،

آنکھوں سے بہتا دیکھا۔۔۔

زندگی سے بھر پور انسانوں کو ،

اس سزا کو سہتا دیکھا۔۔۔۔

جسم و جاں و روح کو بے جان کر کے ،

محبت میں کسی کی تبا ہی کا اطمینان کر کے ،

فتح شکستِ محبت کا جشن منا تے ، انسان دیکھے۔۔۔۔

مجھے بتاؤ ۔۔۔۔۔۔۔۔۔۔۔ کون کہتا ہے محبت زندگی یے ،

یہ تو صرف درندگی ہے۔۔۔۔

عجب انسان ہو تم ما ن کے نہیں دیتے ،

میں کہتی ہوں اجاڑ دیتی ہے ،

تم کہتے ہو سنوار دیتی ہے۔۔۔۔

دیکھو لوٹ جاؤ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مکاں خا لی پڑا ہے مکیں جا چکا ہے ،

اس کی بوسیدہ چھت سے حسرت ٹپکتی ہے ،

کڑیا ں اور دروازے یادوں کی دیمک کھا گئی ،

صحن میں بکھرے پیپل کے پتے ،

وصل کے انتظا ر میں سوکھ گئے ،

کتنے موسم گزرے ، یہی ویرانی مجھے بھا گئ ،

واپسی کے سب راستے دکھوں کی دھول میں اَٹے ہیں ،

کو ئی نہیں جا نتا یہ دن رات کیسے کٹے ہیں۔۔۔۔۔۔

بس کرو یہ بحث مجھ سے ،

تمھارا میرا کیا واسطہ ، نہیں ملتا کہیں تیرا میرا یہ راستہ۔۔۔۔

اور اگر مان بھی لوں تمھاری بات کہ ، محبت اذیت نہیں ،

تو یہ خو د فریبی تو ہے۔۔۔۔۔۔۔۔

اور سچ ہے یہی ، اچھا ہے جو مان لو تم بھی۔۔۔۔۔۔۔۔