کاش دل اک شجر ہوتا

کاش دل بھی اک شجر ہوتا۔۔۔۔۔

کی ہر بدلتے موسم میں

گرتے پتوں کی طرح

اسکی نرم ٹہنیوں سے

بیتی محبتیں، بیتی یادہں،

بیتے لمحے، بیتی باتیں،

کچھ بے اعتناٰئیاں، کچھ لاپروائیاں،

کچھ بے وجہ شناسائیاں،

کچھ چھو کر گزرنے والوں کی پر چھائیاں،

خزاں رسیدہ ہو کر زمیں پر گرتی،

اور مٹی میں مل جاتی،

پھر نئے موسموں میں۔۔۔

 نئی چاہتوں کی نرم کونپلیں،

نئی الفتوں کے شگوفے،

اور خلوص کے گل کھلتے،

اور دھیرے دھیرے پورے ماحول کو مہکاتے۔۔

اور اسکے گھنیرے سایہ میں پل دو پل،

کچھ اجنبی کچھ شنا سا قدم ،

آتے رکتے اور چلے جاتے۔۔۔

کاش دل بھی اک شجر ہوتا۔۔۔۔۔۔

کاش انسان میں بھی یہ ہنر ہوتا۔۔۔۔