ابر آوارہ

میں اک ابر آوارہ۔۔۔

وقت کی ہوا کے رحم و کرم پر،

اِدھر سے اُدھر۔۔۔۔۔۔اُدھر سے اِدھر۔۔۔۔

زمیں یہ دیکھ کر سوچتی ہے مجھے،

جانے اسکو جانا ہے کدھر؟؟؟

قریہ قریہ بستی بستی،

بے وزن بے سایہء،

میں نے اپنا سارا وقت گنوایا۔۔۔۔

آخر آسمان بھی کہنے لگا،

تو ، تو ہے اک ابر بے مایہ،

نہ تیرے سے کوئی امید

نہ گھنا تیرا سایہ،

نہ ہی تو نے دھنک سے کوئی رنگ چرایا،

تو کیا پیاس بجھاۓ گا ۔۔۔۔۔۔

تو ، تو خود پیاسا ہے۔۔۔۔

یہ سن کر میں نے سوچا۔۔۔۔۔۔۔۔۔۔۔۔۔۔۔۔۔

شائد میری زمیں الگ ہے

شائد میرا آسماں الگ ہے

یہ جو فلک کا کنارہ یہاں سے وہاں تلک ہے۔۔۔

کہیں بھی نہ مل سکی ،

اک بوند بھی خوشی ،

اک بوند بھی ہنسی،

جو مجھے سیراب کرے۔۔۔۔۔

ڈھونڈا میں نے آنکھوں کی رم جھم میں ۔

دیکھا میں نے غم کے ساگر اندر،

کبھی لہجوں کی بارش میں،

کبھی پلکوں کی شبنم میں،

ڈھونڈ ڈھونڈ میں ہوئی قلندر۔۔۔۔

لیکن تشنہ من کی سیرابی کو۔۔۔۔۔۔۔۔

چند بوند سکوں کہیں نہ ملا۔۔۔۔۔۔۔۔۔۔۔۔۔۔۔۔

اور میں رہ گئی یونہی مانند ابر آوارہ۔۔۔۔۔۔۔